-MMH
டெல்லி: பெட்ரோல் மீதான கலால் வரி லிட்டருக்கு 8 ரூபாயும், டீசல் மீதான கலால் வரி லிட்டருக்கு 6 ரூபாயும் குறைக்கப்படுவதாக மத்திய நிதி அமைச்சர் நிர்மலா சீதாராமன் அறிவித்துள்ளார்.
இதன்மூலம் பெட்ரோல் விலை லிட்டருக்கு 9.50 ரூபாயும், டீசல் விலை லிட்டருக்கு 7 ரூபாயும் குறையும் என நிதி அமைச்சர் தெரிவித்துள்ளார்.
பெட்ரோல், டீசல் விலை 100 ரூபாயைக் கடந்து விற்பனை செய்யப்பட்டு வரும் நிலையில், மத்திய அரசின் இந்த அறிவிப்பு வாகன ஓட்டிகளுக்கு மகிழ்ச்சியை ஏற்படுத்தியுள்ளது.
உலகளவில் பணவீக்கம் பெரும் பாதிப்பை ஏற்படுத்திவரும் நிலையில், வளர்ந்த நாடுகளிலும் விலையேற்றத்தால் கடும் பாதிப்பு ஏற்பட்டுள்ளது. இத்தகைய சூழலில் மத்திய அரசு பெட்ரோல், டீசல் விலையை அதிரடியாக குறைத்திருக்கிறது. இதனால் மத்திய அரசுக்கு ஒரு நிதியாண்டில் கிட்டத்தட்ட 1 லட்சம் கோடி ரூபாய் வரி இழப்பு ஏற்படும் சூழல் உருவாகியுள்ளது.
முக்கிய நகரங்களில் இன்றைய பெட்ரோல், டீசல் விலை:
சென்னையில் இன்று பெட்ரோல் ஒரு லிட்டர் ரூ. 110.85க்கும், டீசல் ஒரு லிட்டர் ரூ.100.94க்கும் விற்பனையாகிறது.
மும்பையில் இன்று பெட்ரோல் ஒரு லிட்டர் ரூ. 120.51க்கும், டீசல் ஒரு லிட்டர் ரூ.104.77க்கும் விற்பனையாகிறது.
கொல்கத்தாவில் இன்று பெட்ரோல் ஒரு லிட்டர் ரூ. 115.12க்கும், டீசல் ஒரு லிட்டர் ரூ.98.83க்கும் விற்பனையாகிறது.
டெல்லியில் இன்று பெட்ரோல் ஒரு லிட்டர் ரூ. 105.41க்கும், டீசல் ஒரு லிட்டர் ரூ.96.67க்கும் விற்பனையாகிறது.
-Ln இந்திரதேவி முருகேசன் / சோலை ஜெய்க்குமார்.
