மேட்டுப்பாளையம் – கோத்தகிரி சாலையில் சுற்றித் திரியும் குட்டி யானை!! வாகன ஓட்டிகளுக்கு வனத்துறை எச்சரிக்கை!!!

மேட்டுப்பாளையம் கோத்தகிரி சாலையில் குட்டி யானை ஒன்று முகாமிட்டுள்ளதால் வாகனங்களை பாதுகாப்பாக இயக்க வனத்துறை எச்சரிக்கை விடுத்துள்ளது. மேட்டுப்பாளையம் வனச்சரகத்திற்கு உட்பட்ட பகுதியில் ஏராளமான காட்டு யானை, மான், காட்டெருமை, காட்டுப்பன்றி, சிறுத்தை, புலி உள்ளிட்ட பல்வேறு வகை வனவிலங்குகள் வசித்து வருகின்றன.
இந்த வனவிலங்குகள் அவ்வப்போது உணவு மற்றும் தண்ணீரைத்தேடி அருகில் உள்ள விளைநிலங்களில் புகுந்து பயிர்களை சேதம் செய்து வருவதோடு, மனிதர்களையும் அவ்வப்போது அச்சுறுத்தி வருகின்றன.

இந்த நிலையில் கடந்த இரு தினங்களாக மேட்டுப்பாளையம் – கோத்தகிரி சாலையில் குட்டி யானை ஒன்று முகாமிட்டுள்ளது. இந்த யானை அவ்வப்போது சாலையை கடந்து செல்வதை வாடிக்கையாக கொண்டு உள்ளது.
இந்நிலையில் நேற்று முன்தினம் இரவு கோத்தகிரி சாலையில் குட்டி யானை உணவு தேடி சாலையை கடந்து சென்றது. சாலையின் நடுவே யானை இருப்பதை கண்டு அதிர்ச்சியடைந்த வாகன ஓட்டிகள் தங்களது வாகனங்களை ஆங்காங்கே நிறுத்தி விட்டு வனத்துறையினருக்கு தகவல் தெரிவித்தனர்.
எனினும், சற்று நேரம் அங்கேயே முகாமிட்டு விட்டு பின்னர் வனப்பகுதிக்குள் குட்டி யானை திரும்பியது.

இதுகுறித்து பேசிய வனத்துறையினர் மலைச்சாலையில் வனவிலங்குகளின் நடமாட்டம் இருந்து வருகிறது. இச்சாலை வழியே பயணிக்கும் வாகன ஓட்டிகள் மெதுவாகவும், எச்சரிக்கையுடனும், பாதுகாப்புடனும் பயணிக்க வேண்டும். சாலையில் வனவிலங்குகளை கண்டால் வனத்துறையினருக்கு உடனடியாக தகவல் தெரிவிக்க வேண்டும். தனியாகவோ, கூட்டாகவோ சேர்ந்து வனவிலங்குகளை விரட்ட முயற்சிக்க கூடாது. அதன் அருகில் சென்று செல்பி எடுக்கவோ, புகைப்படம் எடுக்கவோ கூடாது என அறிவுறுத்தியுள்ளனர்.

இதுகுறித்து பேசிய வன ஆர்வலர்கள் இரவு வேளைகளில் இளைஞர்கள் சிலர் கோத்தகிரி வியூ பாயிண்ட்டிற்கு டூவீலர்களில் செல்வதை வாடிக்கையாக வைத்துள்ளனர். இவர்கள் வனத்துறை அறிவுறுத்தினாலும் கேட்பதில்லை. வனத்துறை சோதனைச்சாவடியில் ஓரிரு ஊழியர்களே பணிகள் இருக்கும் நிலையில் இளைஞர்கள் அவர்களை மிரட்டி விட்டு சென்று விடுகின்றனர். எனவே இரவு வேளைகளில் போலீசாரும் இச்சாலையில் ரோந்துப்பணி மேற்கொள்ள வேண்டும் என கோரிக்கை விடுத்துள்ளனர்.

நாளைய வரலாறு செய்திகளுக்காக

கோவை மாவட்ட தலைமை நிருபர்
-சி.ராஜேந்திரன்.

Leave a Comment

Leave a Reply

Your email address will not be published. Required fields are marked *

Search

Recent Posts

Follow by Email
Instagram
Telegram
WhatsApp