தங்கம் விலை கிடுகிடு! – மகள்களுக்கு சீதனமாக நிலம் வாங்கித் தரும் புதிய வழக்கம் அதிகரிப்பு!!

திருமணம் மற்றும் சுபநிகழ்ச்சிகளில் மகள்களுக்கு தங்க நகைகளை சீதனமாக வழங்குவது தமிழர்களின் நீண்டகால மரபாக இருந்து வருகிறது. ஆனால் சமீபகாலமாக தங்கம் விலை வரலாறு காணாத உச்சத்தைத் தொட்டு வருவதால் நடுத்தர மற்றும் எளிய மக்கள் தங்களது சேமிப்புப் பழக்கத்தை நில முதலீட்டை நோக்கி மாற்றி வருகின்றனர். மகள்களின் எதிர்காலப் பாதுகாப்பிற்காக நகைகளுக்குப் பதிலாக நிலம் (Plat/Land) வாங்கிக் கொடுக்கும் புதிய வழக்கம் தற்போதைய சமூக சூழலில் வேகமாக அதிகரித்து வருகிறது.

நாளைய வரலாறு புலனாய்வு இதழின்,,,,மேலும் பல முக்கிய காணொளி செய்திகள் காண,Please Subscribe to This Channel to get current news ↓

https://www.youtube.com/channel/UCBXly8ucYf64DrK5QkzMOZQ

தற்போதைய நிலவரத்தின்படி
தங்கத்தின் விலை சவரன் ரூ.100000-ஐ கடந்து விற்பனையாகி வருகிறது. இதனால் ஒரு நடுத்தரக் குடும்பத்தினர் தங்கள் மகளின் திருமணத்திற்கு 20 அல்லது 30 சவரன் நகை வாங்குவது என்பது பெரும் பொருளாதாரச் சுமையாக மாறியுள்ளது.

இதற்கு மாற்றாக அதே தொகையை வளர்ந்து வரும் புறநகர்ப் பகுதிகளில் ஒரு சென்ட் அல்லது அரை கிரவுண்ட் நிலமாக முதலீடு செய்வது புத்திசாலித்தனமானது என பெற்றோர் கருதுகின்றனர்.
​நகை தேய்மானம் அடையும் ஆனால் நிலத்தின் மதிப்பு எப்போதும் உயரும் என்பதே தற்போதைய பெற்றோர்களின் தாரக மந்திரமாக உள்ளது.

தங்கம் வாங்கும்போது செய்கூலி சேதாரம் மற்றும் ஜி.எஸ்.டி (GST) என கணிசமான தொகை வீணாகிறது. ஆனால் நிலத்தில் முதலீடு செய்யும்போது முழுத் தொகையும் சொத்தாக மாறுகிறது.அவசரக் காலங்களில் நகையை அடகு வைப்பதை விட நிலம் என்பது மகளின் பெயரில் இருக்கும் நிரந்தரமான வாழ்வாதார சொத்தாகப் பார்க்கப்படுகிறது.

புறநகர்ப் பகுதிகளில் தற்போதைய சூழலில் நிலத்தின் மதிப்பு மிக வேகமாக அதிகரித்து வருவதால் திருமண வயதை எட்டும்போது அதன் மதிப்பு பல மடங்கு உயர்கிறது.

இதுகுறித்து சமூக ஆர்வலர்கள் கூறுகையில் இது ஒரு ஆரோக்கியமான சமூக மாற்றம். நகையாகப் போடும்போது அதை அணிந்து கொள்வதில் பாதுகாப்பு அச்சம் இருக்கிறது. மேலும் கணவன் வீட்டாரால் அது எளிதில் விற்கப்படவோ அல்லது அடகு வைக்கப்படவோ வாய்ப்புள்ளது. ஆனால் மகளின் பெயரில் நிலமாகப் பதிவு செய்து தரும்போது அது அந்தப் பெண்ணிற்கு சமூக ரீதியாகவும் பொருளாதார ரீதியாகவும் மாபெரும் அங்கீகாரத்தையும் சுயசார்பையும் தேடித்தருகிறது எனத் தெரிவிக்கின்றனர்.

சுருக்கமாகச் சொன்னால்
தங்கத்தின் மீதான மோகம் மெல்லக் குறைந்து மண்ணின் மீதான முதலீடு அதிகரித்து வருவது இன்றைய காலத்திற்கு ஏற்ற ஒரு விவேகமான மாற்றமாகவே பார்க்கப்படுகிறது.

நாளைய வரலாறு செய்திகளுக்காக

உங்கள் செய்தியாளர்

உங்கள் STAR M.சுரேஷ் குமார்.