கோவை: குமரகுரு பன்முக கலை மற்றும் அறிவியல் கல்லூரி சார்பில் 2050-ஆம் ஆண்டில் காந்தியச் சிந்தனையை மறுவடிவமைத்தல் என்ற தலைப்பில் கருத்தரங்கம் நடைபெற்றது. இதில் கலந்து கொண்டு பேசிய சேர்மன் கிருஷ்ணராஜ் வானவராயர் இந்தியாவின் எதிர்காலத்திற்கான ஐந்து முக்கிய முன்னுரிமைகளை எடுத்துரைத்தார்.
நாளைய வரலாறு புலனாய்வு இதழின்,,,,மேலும் பல முக்கிய காணொளி செய்திகள் காண,Please Subscribe to This Channel to get current news ↓
https://www.youtube.com/channel/UCBXly8ucYf64DrK5QkzMOZQ
சுதந்திரம் மற்றும் ஜனநாயகத்தைப் பாதுகாத்தல், அரசியலமைப்பைப் போற்றுதல், நாட்டின் பன்முகத்தன்மையைப் பேணுதல், நாட்டின் வளர்ச்சியில் அனைவரையும் உள்ளடக்கிப் பங்கேற்கச் செய்தல், அன்பு மற்றும் கருணை போன்ற அடிப்படை மனிதநேயப் பண்புகளைப் பாதுகாத்தல் ஆகியவற்றை விவரித்தார்.
இந்தியாவின் சுதந்திரமும் ஜனநாயகமும் நீண்ட போராட்டத்தின் மூலம் பெறப்பட்டவை என்றும், அவற்றை ஒருபோதும் சாதாரணமாக எடுத்துக்கொள்ளக் கூடாது என்றும் அவர் கூறினார். நாட்டின் பன்முகத்தன்மைக்கு மதிப்பளிப்பதும் அரசியலமைப்பின் மாண்பைக் காப்பதும் எதிர்கால வளர்ச்சிக்கு இன்றியமையாதவை எனக் குறிப்பிட்டார்.
காந்தியப் பொருளாதாரக் கொள்கைகளை விளக்கிய அவர், நேர்மையான வழிகளில் செல்வத்தை உருவாக்குதல், அதனைச் சமமாகப் பகிர்ந்தளித்தல், இயற்கைக்கு பாதிப்பில்லாத வளர்ச்சியை உறுதிசெய்தல் ஆகியவையே அதன் அடிப்படை என்றார். பொருளாதார வளர்ச்சி என்பது வெறும் வருமானப் பெருக்கமாக இல்லாமல், மனித நலன், நிலைத்தன்மை, நீடித்த அமைதி மற்றும் மகிழ்ச்சியை மையமாகக் கொண்டிருக்க வேண்டும் என வலியுறுத்தினார்.
‘தகுதியானவர்கள் மட்டுமே வாழ முடியும்’ என்ற அணுகுமுறைக்கு மாறாக, அனைவரும் முன்னேறுவதற்கான வாய்ப்புகளை உருவாக்குவதே காந்தியச் சிந்தனையின் நோக்கம் என்றும் தெரிவித்தார். பொருளாதார வளர்ச்சியை மட்டும் அளவுகோலாகக் கொள்ளாமல், சமத்துவம் மற்றும் சமூகப் பொறுப்புணர்வின் அடிப்படையிலும் வளர்ச்சியை மதிப்பிட வேண்டும் எனப் பொருளாதார வல்லுநர்கள் மற்றும் கொள்கை வகுப்பாளர்களைக் கேட்டுக்கொண்டார்.
நாளைய வரலாறு செய்திகளுக்காக
-சீனி,போத்தனுர்.
