கோவை மாவட்டம் பொள்ளாச்சி ஆனைமலையை அடுத்த கணபதிபாளையத்தில் இயங்கி வரும் கந்தசாமி தனியார் மேல்நிலைப் பள்ளியில் சைவத் திருமுறை நேரடி வகுப்பு இன்று மிகச் சிறப்பாக நடைபெற்றது. புகழ்பெற்ற திருவாவடுதுறை ஆதீனம் சார்பில் இந்தத் திருமுறைப் பயிற்சிக்கு ஏற்பாடு செய்யப்பட்டிருந்தது. இன்றைய டிஜிட்டல் உலகில் மாணவர்களிடையே நற்பண்புகளை வளர்ப்பதோடு கீழ்க்கண்ட நோக்கங்களை மையமாக வைத்து இந்தப் பயிற்சி அளிக்கப்பட்டது
மாணவர்களிடையே பக்தி உணர்வை மேலோங்கச் செய்தல். பன்னிரு திருமுறைகளின் சிறப்பை விளக்கி தமிழ் இலக்கிய ஆர்வத்தை தூண்டுதல். மன அமைதி மற்றும் ஒழுக்க நெறிகளை மாணவர்களுக்குப் போதித்தல்.
இந்தத் திருமுறை வகுப்பில் அப்பள்ளியைச் சேர்ந்த ஏராளமான மாணவ-மாணவிகள் மிகுந்த ஆர்வத்துடன் கலந்து கொண்டனர். திருமுறைப் பாடல்களைப் பண்ணோடு இசைக்கும் முறையை வல்லுநர்கள் கற்றுக் கொடுத்தனர். மாணவர்கள் உற்சாகத்துடன் பாடல்களைப் பாடிப் பயிற்சி பெற்றதோடு அதன் பொருளையும் ஆர்வமுடன் கேட்டறிந்தனர். நாளைய வரலாறு புலனாய்வு இதழின்,,,,மேலும் பல முக்கிய காணொளி செய்திகள் காண,Please Subscribe to This Channel to get current news ↓
https://www.youtube.com/channel/UCBXly8ucYf64DrK5QkzMOZQ
கல்வியோடு ஆன்மீகத்தையும் கலாச்சார விழுமியங்களையும் மாணவர்களுக்குக் கொண்டு சேர்க்கும் பள்ளியின் இந்த நன்முயற்சியைப் பெற்றோர் மற்றும் சமூக ஆர்வலர்கள் வெகுவாகப் பாராட்டியுள்ளனர். இது போன்ற வகுப்புகள் மாணவர்களின் மன முதிர்ச்சிக்கும் பண்பாட்டு அறிவுக்கும் மிக அவசியமான ஒன்று எனப் பொதுமக்கள் கருத்து தெரிவித்துள்ளனர்.
நாளைய வரலாறு செய்திகளுக்காக
தமிழக துணை தலைமை நிருபர் உங்கள்
-𝗦𝗧𝗔𝗥 𝗠.சுரேஷ்குமார்.
