சூப்பர் மூன் என்றால் என்ன.? எப்போது காணலாம்..?

 

நிலவை ரசிக்கும் மனநிலையில் இருக்கும்போது அது சூப்பராக உள்ளது என்று நீங்கள் கூறக்கூடும். ஆனால் ‘சூப்பர் மூன்’ என்றே சில நேரங்களில் நிலவு அழைக்கப்படுகிறது. அதுவும் சூப்பர் மூனை பார்ப்பதற்கான வாய்ப்பும் உங்களுக்கு விரைவில் கிடைக்கப்போகிறது. நீங்கள் எப்போது சூப்பர் மூனை காணலாம் என்று தெரிந்துகொள்ளும் முன்னர், சூப்பர் மூன் என்றால் என்ன என்று பார்க்கலாம்.

சூப்பர் மூன் என்றால் என்ன? நிலவு அதன் சுற்றுப்பாதையில், பூமிக்கு மிக அருகில் இருக்கும் அதே நேரத்தில் முழுநிலவாக இருக்கும் போது சூப்பர் மூன் அதாவது பெருநிலவு ஏற்படுகிறது. நிலவு பூமியை நீள்வட்டப்பாதையில் சுற்றி வருகிறது. எனவே, ஒரு புள்ளியில் நிலவு பூமிக்கு மிக அருகிலும், இன்னொரு புள்ளியில் தொலைவிலும் சென்றுவரும். நீள்வட்டப்பாதையின் மிக தொலைதூர புள்ளி என்பது அப்போஜீ (apogee) என்று அழைக்கப்படும்.

இது பூமியில் இருந்து சராசரியாக நான்கு லட்சத்து ஐந்தாயிரத்து ஐநூறு கிலோமீட்டர் (405,500 kilometers) தொலைவில் உள்ளது. மிக அருகில் உள்ள புள்ளி பெரிஜீ (perigee) என்று அழைக்கப்படுகிறது. இது பூமியில் இருந்து கிட்டத்தட்ட மூன்று லட்சத்து மூன்றாயிரத்து முந்நூறு கிலோமீட்டர்கள் (363,300 kilometers) தொலைவில் உள்ளது. எனவே, முழு நிலவானது பூமிக்கு மிக அருகில் உள்ள பெரிஜீ புள்ளியில் தோன்றும் போது சற்று பிரகாசமாகவும் வழக்கமான முழு நிலவை விட பெரிதாகவும் தோற்றமளிக்கும். இதைத்தான் சூப்பர்மூன் அதாவது பெருநிலவு என்று அழைக்கிறோம்.

சூப்பர் மூனை எப்போது காணலாம்?

ஓராண்டில் மூன்று அல்லது நான்கு முறை சூப்பர்மூன் தோற்றமளிக்கும். சூப்பர்மூனை பார்வையின் மூலம் வேறுபடுத்தி பார்ப்பது கடினமானது. ஆனால், அது பூமியில் தாக்கத்தை ஏற்படுத்தும். நிலவு பூமிக்கும் மிக அருகில் வரும் போது வழக்கத்தை விட அதிகமான கடல் அலைகள் ஏற்படும். மிக நெருக்கமான புள்ளியில் காட்சியளிக்கும் முழு நிலவு, ஆண்டின் மங்கலான நிலவை விட 17 சதவீதம் பெரியதாகவும் 30 சதவீதம் பிரகாசமாகவும் தோன்றுகிறது. ஜூலை 13-ம் தேதி சூப்பர்மூன் காட்சியளிக்க உள்ளது. இந்திய மற்றும் இலங்கை நேரப்படி ஜூலை 14-ம் தேதி அதிகாலை 12 மணி 8 நிமிடங்களில் தோற்றமளிக்கும். ஆனால், செவ்வாய்க்கிழமை முதல் வெள்ளிக்கிழமை வரை வழக்கத்தைவிட அதிகம் பிரகாசமான நிலவைக் கண்டு ரசிக்கிலாம்.

சூப்பர் மூன் பெரியதாக காட்சியளிக்குமா?

இந்த சூப்பர் மூன்கள் பிரகாசமாகவும் வசீகரமாகவும் காட்சியளித்தாலும் உண்மையில் இது சராசரி நிலவை காட்டிலும் எத்தனை பெரியது?உண்மையில், பெரிஜீயில் உள்ள முழு நிலவு நமக்கு நெருக்கமாக தோன்றினாலும் அது 14 சதவீதம்தான் பெரியதாக தோன்றும். அதேபோல அபோஜியில் உள்ள நிலவைக் காட்டிலும் 30 சதவீதம் மட்டுமே பிரகாசமாக தோன்றும்.அதேபோல முழு நிலவின் சராசரியை காட்டிலும் சூப்பர் மூன் 7 சதவீதம் மட்டுமே பெரியதாக இருக்கும். 15 சதவீதம் மட்டுமே பிரகாசமாக இருக்கும்.

-புயல்.

Leave a Comment

Leave a Reply

Your email address will not be published. Required fields are marked *

Search

Recent Posts

நெல்லை மாவட்டத்தில் பல்வேறு நிகழ்ச்சியில் கலந்து கொள்வதற்காக தூத்துக்குடி வருகை தந்தை முதல்வர் மு.க.ஸ்டாலினுக்கு அமைச்சர்கள் மற்றும் அரசுத்துறை அதிகாரிகள் உள்சாக வரவேற்பு அளித்தனர்!!

Read More »
Follow by Email
Instagram
Telegram
WhatsApp