மேலூரில் லஞ்சம் கேட்டு, தாக்க முயன்ற அரசு ஊழியர் !!! அகில இந்திய விவசாய தொழிலாளர் சங்கம் சார்பில் கண்டன ஆர்ப்பாட்டம் !!!

மேலூரில் லஞ்சம்

மேலூரில் லஞ்சம் கேட்டு, தாக்க முயன்ற அரசு ஊழியர் !!! அகில இந்திய விவசாய தொழிலாளர் சங்கம் சார்பில் கண்டன ஆர்ப்பாட்டம் !!!

மதுரை மாவட்டம், மேலூர் தாலுகா மேலூர் வட்டாச்சியர் அலுவலகத்தில் சமூக பாதுகாப்பு திட்டத்தில் உதவியாளராக வேலை செய்பவர் ராமையா. அவர் முதியோர் உதவித் தொகைக்காக மனு கொடுக்கும் மக்களிடம் லஞ்சம் வாங்குவதை கண்ட விவசாய தொழிலாளர்கள் சங்க மேலூர் தாலுகாச் செயலாளர் தனசேகரன் அதனை கண்டித்துள்ளார், அதனால் கோபமடைந்த உதவியாளர் ராமையா, தனசேகரனை பலர் முன்னிலையில் சாதிய வன்மத்தோடு பேசி தாக்க வந்துள்ளார். இச்சம்பவத்தை கண்டித்தும் உதவியாளர் ராமையா மீது வன்கொடுமை தடுப்புச்சட்டபடி நடவடிக்கை எடுக்க வலியுறுத்தியும் அகில இந்திய விவசாய தொழிலாளர் சங்க மேலூர் தாலுகா குழு சார்பில் கண்டன ஆர்ப்பாட்டம் நடைபெற்றது.

நாளைய வரலாறு புலனாய்வு இதழின்,,,,

மேலும் பல முக்கிய காணொளி செய்திகள் காண,

Please Subscribe to This Channel to get current news ↓

https://www.youtube.com/channel/UCBXly8ucYf64DrK5QkzMOZQ

இந்நிலையில் இச்சம்பவம் குறித்து பதிலளித்த மேலூர் சமூக பாதுகாப்பு திட்ட தனி வட்டாட்சியர் ஹேமலதா “தனசேகரன் கொடுத்த புகாரின் மீது தீவிர விசாரணை நடத்தி வருவதாகவும், விசாரணையில் தனசேகரன் இதுவரை ஆஜராகவில்லை எனவும், அவர் விசாரணைக்கு ஆஜராகி குற்றம் நிரூபனமாகும் பட்சத்தில் நிச்சயம் உதவியாளர் ராமையா மீது துறை ரீதியான கடுமையான நடவடிக்கை எடுக்கப்படும்” என்று கூறினார்.

இதனிடையில் மேலூரில் வட்டாச்சியர் அலுவலகம் முன்பு நடைபெற்ற கண்டன ஆர்ப்பாட்டத்தில் அகில இந்திய விவசாய தொழிலாளர் சங்கம், கரும்பு விவசாயிகள் சங்கம் மற்றும் மார்க்சிஸ்ட் கம்யூனிஸ்ட் கட்சியின் மாநில, மாவட்ட, தாலுகா நிர்வாகிகள் கலந்து கொண்டனர்.

இதேபோல் கடந்த மாதம் மேலூர் வட்டாட்சியர் அலுவலகத்தில் பணிபுரிந்த வருவாய் ஆய்வாளர் பிரபாகரனை கண்டித்து ஆர்ப்பாட்டம் நடைபெற்றது குறிப்பிட்டத்தக்கது.

எனவே இலஞ்சம், லாவண்யம் இல்லாமல் அரசு திட்டங்கள் மக்களுக்கு சென்றடைவதை சம்மந்தப்பட்ட அதிகாரிகள் கவனத்தில் கொள்ளவேண்டும் என்பதே பொதுமக்களின் கோரிக்கையாக உள்ளது.

– மேலூர், தமிழரசன்.

Leave a Comment

Leave a Reply

Your email address will not be published. Required fields are marked *

Follow by Email
Instagram
Telegram
WhatsApp