மும்பை: ஐசிசி உலக கோப்பை கிரிக்கெட் போட்டியில் இன்று 33வது லீக் ஆட்டத்தில் இந்திய அணியும் இலங்கை அணியும் மும்பை வான்கடே மைதானத்தில் பலப்பரீட்சை நடத்துகின்றன.
நடப்பு சீசனில் இதுவரை தோல்வியே சந்திக்காத இந்திய அணி நெட் ரன் ரேட் அடிப்படையில் புள்ளிப் பட்டியலில் 2வது இடத்தில் உள்ளது.
நாளைய வரலாறு புலனாய்வு இதழின்,,,,
மேலும் பல முக்கிய காணொளி செய்திகள் காண,
Please Subscribe to This Channel to get current news ↓
https://www.youtube.com/channel/UCBXly8ucYf64DrK5QkzMOZQ
இலங்கை அணி நடப்பு சீசனில் இதுவரை 2 வெற்றிகள் மட்டுமே பெற்று அடுத்த சுற்று வாய்ப்பில் தடுமாறிக் கொண்டு இருக்கிறது.
சர்வதேச ஒருநாள் போட்டியில் இவ்விரு அணிகளும் இதுவரை 167 முறை நேருக்கு நேர் மோதி இருக்கின்றன. இதில் 98-ல் இந்தியாவும், 57-ல் இலங்கையும் வெற்றி பெற்றுள்ளன. ஒரு ஆட்டம் ‘டை’ ஆனது. 11 ஆட்டங்கள் முடிவு இல்லாமல் போனது. உலகக் கோப்பையில் 9 முறை மோதியதில் இரு அணிகளும் தலா 4-ல் வெற்றி பெற்று சமநிலை வகிக்கின்றன. ஒரு ஆட்டம் முடிவு இல்லாமல் போனது.
போட்டிக்கான இரு அணிகளின் உத்தேச பட்டியல்:-
இந்தியா: ரோகித் சர்மா (கேப்டன்), சுப்மன் கில், விராட்கோலி, ஸ்ரேயாஸ் அய்யர், லோகேஷ் ராகுல், சூர்யகுமார் யாதவ், ரவீந்திர ஜடேஜா, முகமது ஷமி, ஜஸ்பிரித் பும்ரா, குல்தீப் யாதவ், முகமது சிராஜ்.
இலங்கை: பதும் நிசாங்கா, கருணாரத்னே, குசல் மென்டிஸ் (கேப்டன்), சமரவிக்ரமா, அசலங்கா, மேத்யூஸ், தனஞ்ஜெயா டி சில்வா அல்லது வெல்லாலகே, கசுன் ரஜிதா, தீக்ஷனா, தில்ஷன் மதுஷன்கா, துஷ்மந்தா சமீரா.
இந்தப் போட்டி மும்பை வான்கடே மைதானத்தில் மதியம் 2 மணிக்கு நடைபெறும்.
அருண்குமார் கிணத்துக்கடவு.