கோவை மாவட்டம் வால்பாறை பகுதியில் உள்ள தேயிலைத் தோட்ட தொழிலாளர்களும் பொதுமக்களும் அடிமட்ட ஊதியத்துடனும் போதிய அடிப்படை வசதிகள் இன்றியும் வனவிலங்குகளின் அச்சுறுத்தலுக்கு மத்தியிலுமே தங்கள் அன்றாட வாழ்க்கையை நகர்த்தி வருகின்றனர்.
நாளைய வரலாறு புலனாய்வு இதழின்,,,,மேலும் பல முக்கிய காணொளி செய்திகள் காண,Please Subscribe to This Channel to get current news ↓
https://www.youtube.com/channel/UCBXly8ucYf64DrK5QkzMOZQ
இதுவரை தமிழக அரசு வழங்கி வந்த இலவச அரிசி மற்றும் அத்தியாவசிய ரேஷன் பொருட்களையே இவர்கள் பெரிதும் நம்பியிருந்தனர். இந்நிலையில் நியாயவிலைக் கடைகளில் ரேகை பதிவு (Biometric) கட்டாயமாக்கப்பட்டிருப்பது அப்பகுதி மக்களுக்குப் பெரும் துயரத்தை ஏற்படுத்தியுள்ளது.
மலைப்பகுதி என்பதால் இங்கு இணையத்தொடர்பும் (Network) தொலைத்தொடர்பு சேவைகளும் சீராகக் கிடைப்பதில்லை. அரிதாகச் சிக்னல் கிடைக்கும் நேரத்திலும் ஒரு நபரின் கைரேகையைப் பதிவு செய்யக் குறைந்தபட்சம் 30 நிமிடங்கள் வரை வீணாகிறது. இதனால் தேயிலைத் தோட்ட வேலைக்குச் செல்வதா அல்லது நாள் முழுவதும் ரேஷன் கடையில் காத்திருப்பதா என்ற இக்கட்டான நிலைக்குத் தொழிலாளர்கள் தள்ளப்பட்டுள்ளனர்.
டிஜிட்டல் மயமாக்கல் திட்டம் வரவேற்கத்தக்கது என்றாலும் வால்பாறை போன்ற புவியியல் ரீதியாகச் சவால்கள் நிறைந்த மலைப்பகுதிகளுக்கு இத்திட்டம் முற்றிலும் உகந்தது அல்ல எனவே தொழிலாளர்களின் நலனைக் கருத்தில் கொண்டு வால்பாறை பகுதிக்கு மட்டும் பழைய நடைமுறையிலேயே ரேஷன் பொருட்களை வழங்க உணவுத்துறை அமைச்சர் உடனடியாக நடவடிக்கை எடுக்க வேண்டும் என கோரிக்கை எழுந்துள்ளது.
இதுகுறித்து மார்க்சிஸ்ட் கம்யூனிஸ்ட் கட்சியின் சார்பாக வால்பாறை P.பரமசிவம் ( ஆனைமலை இடைக்கமிட்டி உறுப்பினர் ) அவர்கள் உணவுத்துறை அமைச்சர் அவர்களுக்கும், கோவை மாவட்ட ஆட்சியர் அவர்களுக்கும், மாவட்ட வட்ட வழங்கல் அலுவலர் அவர்களுக்கும் கோரிக்கை மனு அனுப்பப்பட்டுள்ளது என்பது குறிப்பிடத்தக்கது.
வால்பாறை, கொடைக்கானல், நீலகிரி போன்ற மலைப்பகுதிகளில் போதிய நெட்வொர்க் டவர் வசதி இல்லாததாலும் தோட்டத் தொழிலாளர்களின் கைரேகைகள் கடின உழைப்பால் தேய்ந்துபோய் பயோமெட்ரிக் கருவிகளில் சரியாகப் பதிவாகாததாலும் மக்கள் ரேஷன் பொருட்களைப் பெற முடியாமல் தவிப்பது தொடர்ந்து நடக்கும் ஒரு கள நிதர்சனம். இச்சிக்கலைத் தீர்க்க பழைய முறையை அமல்படுத்த வேண்டும் அல்லது தாய் வழித் தொடர்பு (Proxy/Manual override) முறையைப் பயன்படுத்த வேண்டும் என்பது அப்பகுதி மக்களின் நீண்ட நாள் கோரிக்கையாகும்.
என்பதும் குறிப்பிடத்தக்கது.
நாளைய வரலாறு செய்திகளுக்காக
தமிழக துணை தலைமை நிருபர்
உங்கள் STAR M.சுரேஷ் குமார்
